مش وحدي بحبّا يا ناس ولا وحدي بـ قلاّ مغرومْ هـ البنت الـ كلاّ إحساسْ بتخلّي العالم مهضومْ.. بتمشي.. جراسْ تدقْ جراسْ. الشجرْ.. بيوقفلا.. حراسْ الليل بيسكرْ.. عيونا الكاسْ.. والقمر بحبّا متهومْ.. مش وحدي بحبا يا ناسْ ولا وحدي بقلا مغرومْ.. * * * عاخدودا بيفتح وردْ.. وجمر عيونا بيمحي البردْ.. بتوعدني.. ومابشوف الوعد.. وشو بترفض كلمة مظلومْ.. مش وحدي بحبا يا ناس.. ولا وحدي بقلاّ مغرومْ.. * * * مغرورة بيلبقلا كثيرْ صغيرة وقلبا كبير كبيرْ ما بدا تعطي تبريره.. والحب بتعرف مقسومْ.. مش وحدي بحبا يا ناس.. ولا وحدي بقلاّ مغروم.. هـ البنت الـ كلا إحساسْ.. بتخلي العالم مهضوم.
.
.
الاربعاء, 28 يونيو, 2006
الاربعاء, 28 يونيو, 2006
العشاق رفاق بيقضو عمرن كلو قلبن مشتاق عادرب الحب يظلو ولا يوم فراق بيزيدو ما بيقلو بعيد العشاق ع الدني كلن طلو إن كان عندك قلب للعالم فتح بابك نعمه من الرب تحب وأنت بشبابك اللي قبلك حب ما بيسلم من إعجابك يللا يا شب كتوب الفرحة بكتابك العشاق رفاق بيقضو عمرن كلو قلبن مشتاق عادرب الحب يظلّو ممنوع تكون ما عندك أيا حكاية قيس المجنون للعالم صار رواية قلبك بتخون لو تتطلع بمراية وما تشوف عيون فيها الفرحة مضواية العشاق رفاق بيقضو عمرن كلو قلبن مشتاق عادرب الحب يظلو وحدك ولا شيء.. الحب يكمل إحساسك بتصير الكل وبترفع عالي راسك وبتشوف الناس أهلك والعالم ناسك وشفافك فل وبقلبك دقّوا أجراسك العشاق رفاق بيقضو عمرن كلو قلبن مشتاق عادرب الحب يظلو هات من الورد صوتك من العطر شموعك.. دفي هـ البرد ضوي الشمس الـ بضلوعك.. عم تحلم بعد.. خلي العاشق موضوعك.. واكتبلو وعد لوّن حبرو من دموعك.. العشاق رفاق بيقضو عمرن كلو قلبن مشتاق عادرب الحب يظلو
الثلاثاء, 27 يونيو, 2006
رحْ ظلْ كل العمر تتظلّي
بقلبي الوحيدة اركعْ وصلّي ودقدق يا أمّي جراسْ تا تفيقْ كل الناسْ يغنوا معي يا ربّنا تخليْ عطر الأمومة هـ الدني يحلّي أول حكي بيصير شمس منورّة أمي.. وأول وردْ فتح على تمّي وأول إيدين تكون عا قدّ القلبْ وتشيلني من النوم تا صير الدربْ.. وأول قلبْ بيشيل من قلبي أنا همّي.. وما بتعرفي غير العطا وكيف الدني تضمّي يلّلي الوفا مثل الرغيف بتخبزو ديكي.. وجنّةُ عدن من تحت رجليكِ.. قدّيشْ بدي سنين تا وفّي أنا.. لحظةْ حزنْ بدموعْ عينيكي.. صوتُ السّما ع الأرض بتظلّي.. زخةْ مطر ما بتقطفِ الغلّة بسمة فرح بتطال كل الناس.. وبتزرعي قلوب البشر أفراح وتفلّي ظلّي يا أمي للأبد.. ظلّي.
الثلاثاء, 27 يونيو, 2006
وبظل صلّي هـ العمر قدام أعتابك بعيش الدني وبدعي السما تانال إعجابك وكبير قدام البشرْ وببقى يا أمي صغيرْ وبنام عا وجهك قمر وبغفى ع كتف سريرْ وقديش ودّاني السفرْ برجعْ على أبوابكْ ولو صرت أعلى من الشجر بيظل قلبي للوفا حرفين بكتابكْ. يمّي وشو عندي شواقْ يا أمي بقولا وشعرْ بيطوفْ عا تمّي بتذكّر سنين البردْ وقدّيش تنهمّي.. وتفتّحْ حضانك دَفَا تا ولادك تلمّي يمّي وما بيكفي عمرْ تاردلكْ أطيابكْ عمرين بدي بها الزمن أركع بمحرابك. يا الوصوتك وتارْ القلبْ ودّياتكْ النغماتْ.. بدعي لـ الله للأبدْ.. تبقى وحي الكلماتْ.. شو بخافْ قوم بشي صبحْ وما بشوف أعنابك.. وقتا بحس أنو الشمسْ غفيانة بترابكْ.
<<الصفحة الرئيسية
.
.